الامدادایجوکیشنل اینڈ ویلفیئر ٹرسٹ کی بنیاد ۲۰۰۹ء میں رکھی گئی۔ یہ ایک رجسٹرڈ ادارہ ہے جو بحسن وخوبی ملی ،رفاہی اور اجتماعی خدمات انجام دے رہا ہے۔ یہ ادارہ دیہی علاقوں میں مکاتب کے قیام اوراس کے انتظام وانصرام کوترجیح دیتا ہے۔ قدرتی آفات کے موقع پر ریلیف کاکام ،مروجہ رسم و رواج کو دورکرنے کے لیے اصلاحِ معاشرہ کا پروگرام ،علاج ومعالجہ کی استطاعت نہ رکھنے والے بیماروں کی طبی امداد اور غریب ونادار بچیوں کی شادی کا نظم بھی کرتا ہے۔ نئی نسل میں تعلیم کو فروغ دینا ،طلباء ،بیوگان اور تنگ دست و مفلوک الحال لوگوں کے درمیان وظائف کی تقسیم ادارے کا اہم مقصد ہے۔ مذکورہ ٹرسٹ اپنے بائیس (22) مکاتب کے ساتھ ساتھ کرھواکی سرزمین پر ایک اقامتی ادارہ بنام جامعہ اشاعت العلوم سمستی پور کے ذریعے مضافات میں پھیلی ہوئی ضلالت وگمراہی ، بدعات و خرافات اور رسم ورواج کو دور کرنے کے لئے رشد وہدایت کی روشنی بکھیر رہا ہے۔

جامعہ اشاعت العلوم سمستی پورایک نظرمیں

یہ ادارہ مکمل طورپرشورائی نظام کے تحت چلتاہےجس کے لئے ایک مجلس شوریٰ ہے جس کے ارکان کی تعداد۱۴؍ہے۔